‘खुस्मा’को गीत ‘खुसीका फूल बटुलेर’ सार्वजनिक
काठमाडौं । चलचित्र ‘खुस्मा’को पहिलो गीत रिलिज भएको छ । चलचित्रले आफ्नो पहिलो गीत ‘खुसीका फूल बटुलेर’ बोलको गीत रिलिज गरेको हो ।
एसडी योगीको संगीत रहेको गीतमा योगी तथा विज्ञानी पराजुलीको स्वर छ । गीत राम अविरल विष्टले लेखेका हुन् ।
सार्वजनिक प्रेमिल गीतमा सिनेमाका शीर्ष कलाकार धिरज मगर तथा उपसना सिंह ठकुरीको प्रेमाभाव देख्न सकिन्छ । गीतको भिडियोमा पूर्वी रुकुमका सुन्दर दृश्य कैद छन् । गीतको कोरियोग्राफी सुरेन्द्र राईले गरेका छन् ।
अशोक थापामगर सिनेमाका लेखक तथा निर्देशक हुन् । यसअघि केही डकुमेन्ट्री सिनेमा लेखन तथा निर्देशन गरेका थापाको ‘खुस्मा’ पहिलो फिचर फिल्म हो ।
सिनेमा असोज ३ गते रिलिज हुनेछ ।
एम मिडिया प्रालिको ब्यानरमा निर्माण भएको चलचित्रका निर्मातामा वीरबहादुर लामा, चन्द्रबहादुर भट्टचन र बेतान मगर छन् । सह–निर्मातामा मानबहादुर धनाह मगर र सुस्मिता बुढाथोकी हुन् ।
मोहन राई कार्यकारी निर्माता रहेको सिनेमामा दीपक बज्राचार्यको छायांकन छ ।
धिरज र उपासनासँगै सिनेमामा माओत्से गुरुङ, खड्कबहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारको अभिनय रहेको छ ।
सिनेमामा एसडी योगी र छान्जु पार्क (कोरियन)को संगीत, सुरेन्द्र राना, राम अविरल बिष्ट र निर्देशक थापा मगरको गीत रचना छ । सिनेमाको वितरण गोविन्द शाहीको काफिया फिल्मस्ले गर्नेछ ।