‘बिजुली चमक्क’मा अञ्जलीको हट जवानी
१ श्रावण २०८१, मंगलवार
काठमाडौं । गायिका सुनिता बुढाक्षेत्रीको स्वर रहेको तीज विशेष गीत ‘बिजुली चमक्क’ सार्वजनिक गरिएको छ । गायक तथा संगीतकार कस्तुप पन्तको शब्द तथा संगीत रहेको गीतमा एचबिएन किस्मतको एरेन्ज छ ।
डान्सिङशैलीमा तयार गीत सुरुको समयदेखिनै चर्चामा रहन सफल छ । सार्वजनिक भएको २४ घन्टामा एक लाख ७४ हजार बढी भ्युज पाउँदै चर्चा कमाउन सफल गीत युट्युब ट्रेन्डिङमा समेत परेको छ ।
मनु पन्तको प्रस्तुति रहेको गीतको भिडियोमा मोडल अञ्जली अधिकारीको हट नृत्य देख्न सकिन्छ । फिल्मी शैलीमा खर्च गरेर निर्माण गरिएको भिडियोमा ठूलो संख्यामा कोरसको प्रयोग गरिएको छ ।
भिडियो स्मृति तिमिल्सेना ‘गुरुआमा’ले निर्देशन गरेकी हुन् । भिडियोमा करण चैसिरको छायांकन र शिव पौडेलको सम्पादन छ ।