‘बर एण्ड वधु’को गीत ‘तिमी सँग’मा रोमान्टिक आँचल र विवेक
काठमाडौं । प्रदर्शनको तयारीमा रहेको चलचित्र ‘बर एण्ड वधु’को पहिलो गीत ‘तिमी सँग’ सार्वजनिक भएको छ । गीतमा अञ्जु पन्त र प्रताप दासको स्वर तथा अर्जुन पोखरेलको संगीत छ । लेखु सहयात्रीको शब्द छ ।
गीतको भिडियोमा मुख्य दुई कलाकारहरू नायिका आँचल शर्मा र नायक विवेक कर्माचार्य रोमान्टिक देखिएका छन् । कविराज गहतराजको कोरियोग्राफीमा सुदीप बरालले रोमानियाको लोकेसनमा यो गीत तयार पारेका हुन् ।
गीतको भिडियोमा आँचल र विवेक रोमान्टिक बनेका छन् ।
एलआरके इन्टरटेन्मेन्टको व्यानरमा बनेको चलचित्रमा विजय लामा, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अन्सु महर्जन, सिता न्यौपानेलगायत कलाकाको पनि अभिनय छ ।
मिलन चाम्सको निर्देशनमा तयार भएको चलचित्रमा जानुका थापाको लगानी छ । अमित रिजाल कार्यकारी निर्माता हुन् ।
चलचित्रमा सुदीप बरालको डीओपी, मिलन श्रेष्ठको सम्पादन, हिमाल केसीको एक्सन, कविराज गहतराज र सुस्मिता वाइवाको कोरियोग्राफी, प्रदीप भारद्धाजको लेखन छ ।
सामाजिक कथावस्तुमा निर्माण भएको ‘बर एण्ड वधु’ भदौको १४ गतेबाट देशव्यापी रिलिज हुँदैछ ।