‘अगस्त्य’ निर्देशक सौरभले घोषणा गरे नयाँ फिल्म ‘कर्मा’
चलचित्र ‘कर्मा’ निर्माणको घोषणा गरिएको छ ।
गतवर्षको फागुन १८ गते प्रदर्शनमा आएको चलचित्र ‘अगस्त्य : च्याप्टर–१’लाई निर्देशन गरेर तारिफ कमाएका निर्देशक सौरभ चौधरीले नयाँ फिल्म ‘कर्मा’ निर्माणको घोषणा गरेका हुन्।
बिहिबार फिल्म थिम पोस्ट सार्वजनिक गर्दै निर्माणको घोषणा गरिएको चलचित्रको थिम पोस्ट हेर्दा युद्ध लड्न हिँडेका सौनिहरु देख्न सकिन्छ ।
सौरभ चौधरीले निर्देशन गर्ने यस चलचित्रको कथा पनि उनी स्वयंले लेखेका छन् । यो चलचित्र एक्सन ड्रामा एडभेन्चर जनरामा निर्माण हुने बताइएको छ ।
निर्देशक चौधरीको तेस्रो प्रोजेक्ट हो । तीन वर्षअघि उनी निर्देशित ‘लभ डायरिज’ रिलिज भएको थियो ।
निर्देशक चौधरीले चलचित्रको टाइटल घोषणासँगै भने,’अहिलेसम्म जे जति फिडब्याक पाएको छु, राम्रै पाइरहेको छु । यो फिल्म एक्सन मात्रै होइन । एक्सन फिल्मको हिस्सा हो तर फिल्मको बलियो भनेको यसको स्क्रिप्ट हो । यसको पटकथा कसिलो छ ।’
आर्टिस्टिक इनटरटेनमेन्टको प्रस्तुति रहने चलचित्रमा बसन्त लम्सालले लगानी गर्नेछन् । यो चलचित्रको छायांकन तिहारपछि सुरु हुनेछ ।
चलचित्रको कथावस्तु र कलाकारबारे निर्माणपक्षले अहिले जानकारी दिएको छैन । कलाकार अनुबन्ध गर्ने क्रम जारी नै रहेकाले पछि जानकारी गराउने निर्देशक चौधरीले जानकारी दिए ।
सौरभले ‘अगस्त्य : च्याप्टर–१’ बाट मेकिङमा गरेको मेहनतको तारिफ भएको थियो ।