‘बिस्ताराले पोल्यो’ गीतको आलोचनापछि शान्ति श्रीले मागिन् माफी
गायिका शान्तीश्री परियारले दर्शक–श्रोतासँग माफी मागेकी छन् । आफ्नो पछिल्लो तीज गीत ‘बिस्ताराले पोल्यो’लाई लिएर आलोचना र विरोध भएपछि उनले माफी मागेकी हुन् ।
११ साउनमा ‘हरि गिरी विमर्श’ युट्युब च्यानलबाट रिलिज ‘बिस्ताराले पोल्यो’ बोलको तीज गीत सार्वजनिक भए लगत्तै त्यसको म्युजिक भिडियो र गीतका शब्दका कारण उनको आलोचना भएको थियो।
उनले गायिका एवं लोक तथा दोहोरी गीत प्रतिष्ठान नेपालको केन्द्रीय सदस्यका रूपमा प्रतिष्ठान तथा दर्शकसँग माफी मागेकी छिन्।
बुधबार ‘जो जससँग सम्बन्धित छ’ शीर्षकमा वक्तव्य जारी गर्दै शान्तिश्रीले उक्त गीतको भिडियोको केही दृश्यांशको कारण दर्शक, श्रोताको मनोभावना तथा सामाजिक परिप्रेक्ष्यमा नकारात्मक असर परेको र सोही कारण सामाजिक सञ्जालमा नकारात्मक टीकाटिप्पणी आइरहेकाले माफी मागेको जनाएकी छन् । साथै, आगामी दिनमा शब्द छनोट गरी गाउने वाचा गर्दै उनले अब हिंड्दा ख्याल गरेर हिंड्ने बताएकी छन् ।