वर एण्ड बधुको इतिहासमा चर्चा चल्छ यही बिहेको नामले
मिलन चाम्सको निर्देशनमा तयार भएको चलचित्र ‘वर एण्ड बधु’को दोस्रो गीत ‘इतिहासमा चर्चा चल्छ’ सार्वजनिक गरिएको छ । राजेश पायल राई र मेलिना राइको स्वर रहेको यो गीतमा बिहेको प्रतिस्पर्धामा होमिएका दुई परिवारको दोहोरी प्रस्तुत गरिएको छ ।
सार्वजनिक गीतमा अर्जुन पोखरेलको संगीत, मुक्ता उदासको शब्द रहेको छ । सिनेमाका मुख्य कलाकारहरु आँचल शर्मा, विवेक कर्माचार्य, किरण केसी, बिजय लामा, रविन्द्र खड्का, श्रृष्टी खड्का, कुसुम शर्मा, अंशु महर्जन, विजु पार्की र गरिमा शर्मालाई फिचरिङ गरिएको छ । गीतमा सबै कलाकारहरुले निकै जोसिलो नृत्य गरेका छन् ।
एलआरके इन्टरटेन्मेन्टको ब्यानरमा निर्माण भएको सिनेमामा जानुका थापाको लगानी छ । अमृत रिजाल फिल्मका कार्यकारी निर्माता हुन् । फिल्ममा सुदीप बरालको डीओपी, मिलन श्रेष्ठको सम्पादन, साहिल खानको ट्रेलर, कविराज गहतराज र अनिसा स्याङ्देनको कोरियोग्राफी, हिमाल केसीको एक्सन छ ।
यस चलचित्रको कथा प्रदीप भारद्धाजले लेखेका हुन् । सिनेमाकाे पहिलो गीत ‘तिमी सँग’ले दर्शकको साथ पाइरहेको छ । सार्वजनिक दोस्रो गीतले पनि दर्शकको माया पाउने विश्वास निर्माणपक्षको रहेको छ ।
यो सिनेमामा आँचल शर्मा, विवेक कर्माचार्य, विजय लामा, गरिमा शर्मा, विजु पार्की, किरण केसी, सरिता लामिछाने, कुसुम शर्मा, श्रृष्टी खड्का, हिमेश पन्त, दिनेश काफ्ले, यमन श्रेष्ठ, रविन्द्र खड्का, अंशु महर्जन, सिता न्यौपाने लगायतका कलाकारहरुको अभिनय छ ।
चलचित्र भदौको १४ गतेबाट विश्व बजारमा एकसाथ प्रदर्शन हुँदैछ ।