‘खुस्मा’को टिजरमा प्रेम र बाध्यता
काठमाडौं । चलचित्र ‘खुस्मा’को टिजर सार्वजनिक भएको छ । असोज ३ गते संविधान दिवसको अवसर पारेर प्रदर्शनमा आउने चलचित्रको टिजरमा टिजरमा मुख्य पात्र धिरज मगर र उपासना सिंह ठकुरीको प्रेम, बाध्यता, रिभेन्ज र बिछोडलाई प्रस्तुत गरिएको छ ।
माओवादी द्वन्द्वले गाउँमा पारेको प्रभाव पनि समेटिएको गरिएको छ । चलचित्रको लेखन तथा निर्देशन अशोक थापा मगर गरेका छन् ।
चलचित्रमा धिरज र उपासनासँगै माओत्से गुरुङ, खड्गबहादुर पुन, सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगरलगायत कलाकारको अभिनय छ ।
सिनेमाका निर्मातामा विर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर छन्, भने सह–निर्माता सुस्मिता बुढाथोकी हुन् । मोहन राई कार्यकारी निर्माता रहेको सिनेमामा दीपक बज्राचार्यको छायांकन रहेको छ ।
मगर समुदायको परिवेशमा निर्माण भएको प्रेमकथामा आधारित सिनेमाले जनयुद्धको प्रभावका बीच अंकुराएको प्रेमलाई पर्दामा देखाउने छ । एसडी योगी र छान्जु पार्कको संगीत, सुरेन्द्र राना, राम अविरल बिष्ट र निर्देशक थापा मगरको गीत रचना रहेको सिनेमाको वितरण गोविन्द शाहीको काफिया फिल्मस्ले गर्नेछ ।