गायक प्रकाश तिमिलसिनाको निधन

काठमाडौं । गायक प्रकाश तिमिलसिनाको निधन भएको छ । शनिबार साँझ उनको निधन भएको हो ।

विसं. २०४४ सालमा मोरङमा जन्मिएका प्रकाशका पाटन अस्पताल लतितपुरमा निधन भएको हो । घरमै अचेत अवस्थामा फेला परेपछि परिवारले उनलाई पाटन अस्पताल पुर्याएका थिए । अस्पताल पुर्याउँदा चिकित्सकले उनलाई मृत घोषणा गरेका थिए ।

गायन प्रतियोगिताबाट सांगीतिक क्षेत्रमा उदाएका प्रकाश पछिल्लो केही समयदेखि भैंसेपाटीमा बस्दै आएका थिए । उनका ‘प्रिय तिम्रो सिउँदोमा सिन्दुर भर्न देऊ…’, ‘हृदयभित्र…’, ‘कतिञ्जेल बस्नु सहेर पीडा…’, ‘तिमीलाई देखेर…’, ‘बल्लबल्ल भेटभको दिन…’, ‘खली…’लगायतका गीत हिट छन् ।

• 
• 
• 

प्रकाशको अन्तिम संस्कार आज बिहान पशुपति आर्यघाटमा गर्ने तयारी रहेको छ । त्यसअघि उनलाई अन्तिम श्रद्धान्जलीका लागि एकेडेमीमा राखिनेछ ।