‘सक्किगोनि’का कलाकार आचार्य पक्राउ

काठमाडौं । काठमाडौंमा जुवातास खेलिरहेको अवस्थामा हास्य टेलिचलचित्र ‘सक्किगोनि’का कलाकार पुरुषोत्तम आचार्य पक्राउ परेका छन् ।

आचार्य ‘सक्किगोनि’मा प्रहरी इन्स्पेक्टरको भूमिका देखिँदै आएका छन् । उनी नेपाल प्रहरीका पूर्वइन्स्पेक्टर भएको बताइएको छ ।

आचार्यसँगै ११ जनालाई प्रहरीले पक्राउ गरेको छ । उनीहरूलाई काठमाडौं महानगरपालिका–८, गौरीघाटबाट पक्राउ गरिएको प्रहरीले जनाएको छ ।

• 
• 
• 

गौरीघाटस्थित कोठामा उनीहरू जुवातास खेलिरहेका प्रहरीले जनाएको छ । खालबाट नगद एक लाख ७० हजार रुपैयाँ र १६ बुक ताससहित उनीहरूलाई पक्राउ गरिएको थियो ।