‘रावायण’को टाइटल सङ सार्वजनिक
काठमाडौं । चलचित्र ‘रावायण’को टाइटल सङ सार्वजनिक भएको छ । निर्माणपक्षले आज ‘रावायण’ बोलको शीर्ष गीत सार्वजनिक भएको हो ।
रेभन आरती सिंहको संगीत रहेको गीतमा डाक्टर कृष्णहरि बरालको शब्दरचना छ । गीतमा नकास अजिजको स्वर छ । अजिज विश्वभर रुचाइएको सिनेमा ‘पुष्पा’को गीत गाउने गायक हुन् ।
सार्वजनिक गीतको अडियोको काम भारतको मुम्बईमा गरिएको निर्माणपक्षले बताएको छ ।
गीतको भिडियोमा विक्रम स्वारको कोरियोग्राफी छ । भव्य कोरियोग्राफीमा सयौँ कोरस छन् ।
भिडियोमा अभिनेता पल शाह र अभिनेत्री पूजा शर्माको नृत्य छ । निर्देशक सुदर्शन थापा पनि फिचर्ड छन् ।
चलचित्रमा पल शाह, पूजा शर्मा, प्रियंका कार्की, प्रमोद अग्रहरि, निकिता चण्डक, प्रकाश शाह, कैलाश रावल, अर्जुनजंग शाही, शर्मिला मल्ललगायतको अभिनय छ ।
सिनेमालाई सुदर्शन थापाले निर्देशन गरेका छन् । निर्देशक थापा आफैँले सिनेमाको कथा लेखेका छन् । पटकथा शिवम अधिकारीको छ ।
सुदर्शन थापा प्रोडक्सन र पूजा शर्मा प्रोडक्सनको व्यानरमा बनेको चलचित्रकी निर्माता पूजा शर्मा हुन् । सुशन पाठक कार्यकारी निर्माता हुन् ।