‘नरसिंहाः अवतार’मा सरोज र सनिशा अनुबन्धित
काठमाडौं । निर्देशक दिवाकर भट्टराईले निर्देशन गर्न लागेको चलचित्र ‘नरसिंहाः अवतार’ मा कलाकारहरुको लाइनअप बन्दै गएको छ ।
यसको निर्माणपक्षले फिल्मका लागि अहिलेसम्म तीनजना मुख्य पात्रहरु फाइनल गरेको हो । एक्सन तथा सोसल ड्रामामा बन्ने यो चलचित्रको शीर्षमध्ये एक भूमिकामा सनिशा भट्टराई अनुबन्धित भएकी छन् ।
यस्तै सरोज खनाल पनि अनुबन्धित भएका छन् । क्याप्टेनपछि दिवाकरको सिनेमामा सरोजले अभिनय गर्न लागेका हुन् । निर्माणपक्ष र उनीहरुबीच लिखित सम्झौता भइसकेको छ ।
निर्माणपक्षले यो फिल्ममा सनिशा र सरोजको कस्तो भूमिका छ भन्ने विषयमा भने केही पनि खुलाइएको छैन ।
सनिशाको यो दोस्रो फिल्म हो । उनको डेब्यू अभिनय रहेको फिल्म १२ गाउँ फूलपातीमा रिलिज हुँदैछ ।
यही फिल्मबाट ८ वर्षपछि महानायक राजेश हमाल कमक्याक गर्दैछन् ।
यो चलचित्रमा निती शाह पनि यसअघि नै अनुबन्धित भइसकेकी छन् ।
क्रिएटिभ सिने आर्टको प्रस्तुति रहने फिल्म यही भदौबाट छायाङ्कनमा जाने तयारीमा रहेको छ । फिल्मको लगानी तीन करोडभन्दा माथि हुने बताइएको छ ।
निर्देशक भट्टराईको अर्को फिल्म ‘मायावी’ प्रदर्शनको तयारीमा छ ।