‘रुमानी रङ्ग’को निर्देशक परिवर्तन, ढकालको इन्ट्री
३० श्रावण २०८१, बुधबार
काठमाडौं । चलचित्र ‘रुमानी रङ्ग’को निर्देशक परिवर्तन भएको छ । निर्माणपक्षले चलचित्रको निर्देशक परिवर्तन गरेको हो ।
अब यो चलचित्रलाई मुस्कान ढकालले निर्देशन गर्नेछन् । निर्माणपक्षले ढकालसँग कागजी सम्झौता गरिसकेको छ । यसअघि यो चलचित्र अनिल योञ्जनले निर्देशन गर्ने बताइएको थियो ।
साम्राज्ञी राज्यलक्ष्मी शाह र धिरज मगरको जोडी कस्दै रोमान्टिक सिनेमा ‘रुमानी रङ्ग’को औपचारिक घोषणा गरिएको थियो ।
चलचित्रमा कथा/पटकथा/संवाद योञ्जनकै रहने बताइएको थियो । निर्देश परिवर्तनसँगै कथा र कलाकार पनि परिवर्तन हुने वा नहुने त्यो भने बताइएको छैन ।
ग्लोबल मिडिया एण्ड रिसर्च सेन्टर प्रा.लि.को व्यानरमा निर्माण हुने चलचित्रमा जिएम ठकुरी प्रस्तुकर्ता रहने र हरि मल्ल ठकुरी निर्माता हुने बताइएको थियो ।