यस्तो बन्यो ‘बेहुली फ्रम मेघौली’को तेस्रो गीत ‘छड्के सलाम’
काठमाडौं । असोज १७ गतेबाट प्रदर्शनमा को तयारीमा रहेको सिनेमा ‘बेहुली फ्रम मेघौली’को गीत रिलिज भएको छ । शुक्रबार राजधानीमा आयोजित एक कार्यक्रमका बीच सिनेमाको गीत ‘छड्के सलाम’ सार्वजनिक गरिएको हो ।
सिनेमाको यो तेस्रो गीत विवाहको सेटअपमा छ । विवाहमा घरमा हुने रमाइलोलाई समेटेर गीत तयार पारिएको छ ।
गीतमा चलचित्रका मुख्य कलाकार निश्चल बस्नेत, स्वस्तिमा खड्का, सिमरन खड्का, विजय बराल र बसुन्धरा भुषाल लगायत कलाकारलाई देख्न सकिन्छ ।
जयन जे वाइवाको संगीत तथा शब्द रहेको गीतमा कालिप्रसाद बास्कोटा, बबिना किराँती र निश्चल स्वयंको स्वर छ ।
चलचित्रमा निश्चल, स्वस्तिमा, बसुन्धरा, विजय, सिमरनसँगै लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय छ ।
ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको सिनेमामा साजन काफ्ले र आकाश बरालको लेखन तथा निर्देशन रहेको छ ।
अभिनेत्री स्वस्तिमा खड्कालाई निर्माणमा निर्देशक तथा श्रीमान निश्चल बस्नेतले सघाएका छन् । सिनेमाका कार्यकारी निर्माता फिरोज खड्का र शंकर पाण्डे हुन् ।
चलचित्रमा नरेन्द्र मैनालीको छायांकन, प्रदीप लामा र केवीका खत्रीको कोरियोग्रफी, जयन जे वाइवा र कुशल पोखरेलको संगीत, निमेष श्रेष्ठको सम्पादन, घनश्याम श्रेष्ठको प्रोडक्सन डिजाइन छ । सिनेमालाई एप्पल इन्टरटेनमेन्ट र डिसिएनले वितरण गर्दैछन् ।