‘ह्रस्व दीर्घ’ले लियो नयाँ रिलिज डेट
काठमाडौं । चलचित्र ‘ह्रस्व दीर्घ’ले नयाँ रिलिज डेट लिएको छ । अब यो चलचित्र कात्तिक ३० गतेबाट प्रदर्शनमा आउने निर्माणपक्षले जनाएको छ ।
यसअघि यो चलचित्र असोज ३ गतेबाट प्रदर्शनमा आउने भनिएको थियो । मुम्बइमा पोस्ट प्रोडक्सनको काम भइरहेको र पूर्वनिर्धारित मितिमा काम नसकिएकाले निर्माणपक्षले प्रदर्शन मिति पछि सारेको यसअघि नै जनाइसकेको छ ।
चलचित्रमा हरिहर अधिकारी र नीता ढुंगाना मुख्य भूमिकामा रहेको चलचित्रका कार्यकारी निर्माता धनन्जय गलानी हुन् ।
हरिहर अधिकारी, नीता ढुंगाना, ब्रह्मानन्दम, अली, कवीर दुहान सिंह, प्रदीप रावत, सुनिल वर्मा र प्रशान्त ताम्राकार, सञ्चीता लुईटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसी लगायतकलाकारको अभिनय छ ।
हरिहर अधिकारीको कथा र प्रतीक पौडेल, निर्देशक पन्त र हरिहरको पटकथा तथा संवाद रहेको सिनेमालाई बलिउडका चर्चित सिनेमाटोग्राफर कवीरलालले खिचेका हुन् ।
सिनेमालाई चन्द्र पन्तले निर्देशन गरेका हुन् । अभिनेत्री निता ढुंगानाको लगानीमा निर्माण भएको यो सिनेमा नेपाली, तेलुगु र हिन्दी गरी तीन भाषामा रिलिज हुनेछ ।