सम्राटकाे ‘कङ्गारु’मा स्वस्तिमाको इन्ट्री
काठमाडौं । चलचित्र ‘कङ्गारु’मा स्वस्तिमा खड्का अनुबन्धित भएकी छन् । निर्माणपक्षले स्वस्तिमालाई आज अनुबन्ध गरेको हो ।
सम्राट बस्नेतको निर्देशनमा निर्माण हुने चलचित्रमा केदार घिमिरे ‘माग्ने बुढा’, जितु नेपाल र अर्पण थापा यसअघि नै अनुबन्धित भइसकेका छन् ।
राजिव गुरुङ ‘दीपक मनाङ्गे’को प्रस्तुतिमा बन्ने चलचित्र सस्पेन्स, थ्रिलर र कमेडी जनरामा निर्माण हुनेछ ।
यो चलचित्र फुलमुन मोसन पिक्चर्स र उत्तरगया म्युजिक एन्ड फिल्मसँग एसजिटि प्रोडक्सन प्रालीको सहकार्यमा निर्माण हुन लागेको हो ।
चलचित्रमा प्रेम थापा, धन बहादुर गुरुङ ‘डिबी’ र मनोज भण्डारी ‘म्यक्स’ निर्माताको रुपमा छन् ।
याे सिनेमाकाे सह-निर्मातामा अन्जन दुरा र लक्ष्मी राई छन् भने कार्यकारी निर्माता टीका भण्डारी हुन् । फिल्मको लाइन प्रोड्यूसरमा सविन ज्ञावली (अष्ट्रेलिया) रहेका छन् । चलचित्र निर्माणमा लक्ष्मी ज्वेलर्स यूकेले पनि सहकार्य गरेको छ ।
चलचित्रमा सीमा गुरुङको कथा रहेका छ । सिनेमाका छायाँकार सुशन प्रजापति हुन् । सिनेमाका प्रोडक्सन डिजाइनर दिलीप पन्त छन् ।
निर्देशक बस्नेतले कंगारुमा केही फरक कथा भन्न मन लागेको र दर्शकले फरक स्वादमा हेर्न पाउने बताएका छन् ।