समीक्षा अधिकारीले ल्याइन् ‘के हेरेको टुलुटुलु’
५ भाद्र २०८१, बुधबार
गायिका समीक्षा अधिकारीले आफ्नो आवाजमा ‘के हेरेको टुलु टुलु’को बोलको गीत सार्वजनिक गरेकी छन् । यो गीत उनले करिब ६ महिनापछि बुधबार आफ्नै अफिसियल युट्युब च्यानलबाट ल्याएकी हुन्।
सार्वजनिक गीतमा नेत्र अर्यालको शब्द, खेम सेञ्चुरीको संगीत, श्यामस्वेत रसाइलीको एरेन्ज र गोविन्द अनेकको रेकर्डिङ रहेको छ ।
गम्भीर विष्टले निर्देशन गरेको गीतको भिडियोमा सलोन बस्नेत, नाजिर हुसेन र आश्मा विश्वकर्मा फिचर्ड छन् ।
आश्माको प्रेम पाउन सलोन र नाजिरले गरेको संघर्षलाई देखाइएको भिडियोमा तीनै जना कलाकारलाई रोमान्टिक भावमा देख्न सकिन्छ । गीतको भिडियोमा गायिका समीक्षा पनि फिचर्ड छिन् ।
भिडियोको छायांकन एवं सम्पादन पवन सुस्लिङले गरेका हुन्।