तीज गीत लिएर आइन् विष्णु माझी
८ भाद्र २०८१, शनिबार
काठमाडौं । गायिका विष्णु माझी तीज गीत लिएर बजारमा आएकी छिन् । ‘आइन आमा यो तिजमा’ बोलको गीतमा विष्णु माझीको स्वर छ ।
शब्दरचना तथा संगीत सुन्दरमणि अधिकारीको छ । सुन्दरमणि विष्णुका श्रीमान् हुन् ।
विष्णुको गीत तीजमा माइत आउन नसकेको चेलीले आमालाई पठाएको सन्देशमा केन्द्रित छ ।
वर्ष दिनभरी घरमा आफूले भोगेका समस्या समेटिएका छन् । आमाले पीर लिने भयले आफ्नो पीडा लुकाएर ठिकै छ भन्ने छोरीको आम प्रवत्तिलाई गीतको भिडियोले देखाएको छ ।
भिडियो निर्देशन सुन्दरमणिले गरेका छन् । कोरियोग्राफी मौसम हिमालीले गरेका छन् ।