आहा ! सुन्दरी म (फोटोफिचर)
१३ भाद्र २०८१, बिहीबार
काठमाडाैं । अभिनेत्री बेनिशा हमालको व्यस्तता पछिल्लो समय बढ्दै गएको छ। उनी पछिल्लो समय एकपछि अर्को गर्दै चलचित्रमा अनुबन्धित भइरहेकी छन्। उनलाई सिनेमाको अभाव छैन ।
यतिबेला बेनिशा चलचित्र ‘एक्लो’को छायांकनमा व्यस्त छिन् । यो सिनेमाको बुधबार भद्रकाली मन्दिरमा पूजा गर्दै शुभसाइत गरिएको थियो । यसको औपचारिक छायांकन बिहीबारबाट सुरु हुँदै छ । यस चलचित्रमा उनको जोडी अभिनेता प्रदीप खड्कासँग बाँधिनेछ ।
यसपछि बेनिशाको लाइनअपमा ‘कल्ली’, ‘मोहर’, ‘कोत पर्व’ छन् । ‘कल्ली’ र ‘मोहर’मा उनले अभिनेता पल शाहसँग सहकार्य गर्दै छिन् ।
यसैगरी, यस वर्ष बेनिशाले आफ्नो हिन्दी डेब्यु सिनेमा ‘दुर्गम’को छायांकनमा समेत समय दिनेछिन् । यो सिनेमाको केही प्रतिशत काम बाँकी रहेको बुझिएको छ ।
