कस्तो छ ‘वसन्त’को थिम पोस्टर ?
काठमाडौं । प्रकास सपूतको निर्देशनमा निर्माण हुन लागेको चलचित्र ‘वसन्त’को थिम पोस्टर सार्वजनिक भएको छ । सार्वजनिक पोस्टरमा मुख्य पाँच कलाकारलाई क्यारेक्टर लुक्समा प्रस्तुत गरिएको छ ।
विद्यार्थीको पोशाकमा रहेका पात्रहरू किताबकलम च्याप्दै विद्यालयतर्फ दौडिएको देख्न सकिन्छ । पाँचजनामा स्वस्तिमा खड्का, प्रभात पाल, खड्क बहादुर पुन, प्रकाश सपूत र शिवांसी श्री छन् ।
गलबन्दी प्रोडक्सनको प्रस्तुति रहने चलचिको कथा पनि प्रकाश स्वयंले लेखेका छन् । जातीय विभेदबीच अन्तरजातीय प्रेम चलचित्रको मुख्य कथा हो ।
यो चलचित्रमा प्रकाश घिमिरे, अनुप बराल र कमलमणि नेपालको पनि अभिनय रहनेछ ।
चलचित्रमा संगीत पनि प्रकाश स्वयंमले गर्नेछन् । सिनेमाको कार्यकारी निर्मातामा मोहन विश्वकर्मा, अनुरोध भट्टराई र नाना थकाली छन् ।
चैत २२ गते प्रदर्शनमा आउने चलचित्र को छायांकन शनिबारबाट हुनेछ । बागलुङको धम्जादेखि छायांकन सुरु हुनेछ ।
