‘१२ गाउँ’को गीत ‘सिनेमा हेर्न जाउँ’ सार्वजनिक
काठमाडौं । चलचित्र ‘१२ गाउँ’को पहिलो गीत सार्वजनिक गरिएको छ ।
सार्वजनिक गीतमा अर्जुन पोखरेल र विराज भट्टको शब्द रचना छ । संगीत अर्जुन पोखरेलले गरेको गीतमा स्वर बलिउड गायक नकाश अजिजको छ ।
रोमान्टिक गीतले युवा र युवतीबीचको प्रेम सम्बन्ध र टाइम स्पेन्डको कथा भनेको छ ।
‘सिनेमा हेर्न जाउँ’ बोलको गीतमा डेव्यु अभिनेता तथा विराज भट्टका छोरा समीर भट्ट र अभिनेत्री सोनु चन्द्रपाल फिचर्ड छन् ।
सोनु गुजराती तथा दक्षिण भारतीय सिनेमा र टेलिभिजन सिरियलकी अभिनेत्री हुन् । उनको यो डेब्यु नेपाली फिल्म हो ।
‘सिनेमा हेर्न जाउँ’ गीत सार्वजनिक भएको केही घण्टामै युट्युब ट्रेन्डीङमा पर्न सफल भएको छ । अहिले यो गीत युट्युबको म्युजिक सेक्सनको ट्रेन्डीङ १६ मा रहेको छ भने एक लाख ६५ हजार भन्दा बढी दर्शकले हेरिसकेका छन् ।
यो सिनेमाबाट दुई अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले पनि डेव्यु गरेका छन् । सिनेमामा विराज, समीर, न्यान्सी र सनिशासँगै मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय रहनेछ ।
चलचित्रलाई विराज भट्टले निर्माण तथा निर्देशन गरेका छन् । चलचित्रमा विराज स्वंयमको कथा र सन्तोष सरकारको पटकथा तथा संवाद लेखन छ । चलचित्र असोज २४ गते रिलिज हुनेछ ।