सुनीललाई हलिउड वाक अफ फेमको सम्मान
२३ भाद्र २०८१, आईतवार
काठमाडौं । नाटक निर्देशक तथा अभिनेता सुनील पोखरेल हलिउडको प्रसिद्ध ‘वाक अफ फेम’ सम्मान पाएका छन् । यो सम्मान पाउने व्यक्तिको नाम अमेरिकाको लस एन्जलसस्थित पर्यटकीय स्थलमा राखिन्छ । सुनीलको नाम पनि अब ‘वाक अफ फेम’मा राखिनेछ ।
नेपाल संगीत नाट्य प्रज्ञा प्रतिष्ठानकी कुलपति तथा वरिष्ठ नाट्यकर्मी निशा शर्माले यसबारे फेसबुकमा लेख्दै जानकारी दिएकी छन् ।
यो सम्मान नाटक, चलचित्र, संगीत, अभिनेता, निर्माता, निर्देशक तथा काल्पनिक पात्रहरूको सम्मानका लागि ‘वाक अफ फेम’मा नाम राख्ने गरिएको छ । यो सम्मान कलाकारका लागि ठूलो प्रतिष्ठाको विषय मानिन्छ ।
