‘सानो संसार’को ट्रेलरमा संघर्ष, विदेश मोह र त्यसको परिणाम
काठमाडौं । चलचित्र ‘सानो संसार’को ट्रेलर सार्वजनिक भएको छ । निर्माता अर्जुन कुमारको लगानीमा निर्माण भएको चलचित्रको ट्रेलरले मध्यम वर्गीय परिवारको कथा भन्छ ।
मध्यम वर्गीय परिवारको संघर्ष र सन्तानको विदेश मोहले निम्त्याएको कलह र परिणामलाई ट्रेलरले देखाएको छ ।
पारिवारिक कथावस्तुमा निर्माण भएको सिनेमामा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेनाको मुख्य भूमिका रहेको छ ।
सिनेमामा सीतासँगै राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय रहेको छ । यी सवै कलाकारले नेपाली रजतपटमा डेव्यु गर्दैछन् ।
असोज ११ गतेबाट प्रदर्शनमा आउने सिनेमा राजधानी मिडिया एड प्रोडक्सन र प्रिन्सेस मूभिजको व्यानरमा सिनेमा निर्माण भएको छ ।
चलचित्रलाई सिद्धार्थ पुडासैनीले निर्देशन गरेका हुन् । यही सिनेमाबाट उनले लेखन तथा निर्देशनमा डेव्यु गरेका छन् ।