हेर्नुस् ‘दान्भी’को ट्रेलरमा पूजाको एक्सन
१७ जेष्ठ २०८१, बिहीबार
काठमाडौं । असार ७ गतेबाट रिलिज हुने चलचित्र ‘दान्भी’को ट्रेलर सार्वजनिक भएको छ । २ मिनेट ४० सेकेण्डको ट्रेलरमा चलचित्रकी नायिका पूजा शर्माको एक्सनलाई स्थान दिइएको छ ।
नवनायक कुन्साङ बोमजोमसँग पूजाको प्रेम पनि ट्रेलरमा समेटिएको छ । ट्रेलरमा कुन्साङको हत्यापछि उनको हत्याको बदला लिन पूजालाई एक्सन रुपमा प्रस्तुत गरिएको बुझिन्छ । ट्रेलरमा पूजालाई ‘लेडी टाइगर’का रुपमा चित्रण गरिएको छ ।
नेपाल र भारतका विभिन्न स्थानमा खिचिएको फिल्ममा विशाल पहाडी, राजाराम पौडेललगायतका कलाकारको पनि अभिनय छ ।
फिल्ममा पवन राना मगर कार्यकारी निर्माता र देव मगर तथा अनुप गडाल निर्माता छन् ।
फिल्ममा सन्जोग कुँवर रानाको पटकथा तथा संवाद, रविना थापा मगरको कथा, हरिप्रसाद घलेको डीओपी, बन्दे प्रसादको सम्पादन, श्री श्रेष्ठको एक्सन, कविराज गहतराज र रामजी लामिछानेको कोरियोग्राफी छ ।