प्रेम र भावनाको गहिरो अनुभूति दर्साउने दीपेन्द्रको ‘पर्खाई’
काठमाडौं । गायक तथा मोडल दीपेन्द्र सोनामको स्वरमा सजिएको ‘पर्खाई’ बोलको नयाँ म्युजिक भिडियो सार्वजनिक गरिएको छ ।
शनिबार सार्वजनिक गरिएको यस गीतमा शब्द रचना र संगीत पनि दीपेन्द्र सोनामकै रहेको छ ।
सिन्धुपाल्चोकका दीपेन्द्र सोनाम गायक, मोडल र युवा व्यवसायीको रूपमा परिचित छन्। हालसम्म १० गीतमा आफ्नो आवाज दिएका उनले चार दर्जनभन्दा बढी म्युजिक भिडियोमा मोडलिङ पनि गरिसकेका छन्।
जीवन भटराईको निर्देशन र लक्ष्मी बर्देवाको कथामा तयार भएको यो भिडियोमा कलाकार रिस्ता अधिकारी, दीपेन्द्र सोनाम र नरेश लामिछानेले अभिनय गरेका छन् ।
उत्सव दाहालको उत्कृष्ट छायांकनले भिडियोको दृश्यलाई आकर्षक बनाएको छ भने विष्णु खड्काले सम्पादन, कलर र पोस्टरको काम गर्दै भिडियोको प्रस्तुतीकरणलाई थप प्रभावकारी बनाएका छन् ।
भिडियो ‘भवसागर इन्टरटेन्मेण्ट’ को आधिकारिक युट्युब च्यानलमार्फत सार्वजनिक गरिएको हो।
‘पर्खाई’ गीतले प्रेम र भावनाको गहिरो अनुभूति दर्शाउँछ, जसले दर्शक र श्रोताहरूको मन जित्ने विश्वास गरिएको छ।