दयारामका शब्दमा बाबुल सुप्रियो र संजिवनीको स्वर
२ आश्विन २०८१, बुधबार
काठमाडौं । गीतकार दयाराम पाण्डेयका शब्दमा बलिउडका प्रसिद्ध गायकद्वय बाबुल सुप्रियो र संजिवनीले गाएका छन् । बाबुल वेष्ट बंगाल भारतका पूर्वमन्त्री पनि हुन् ।
२५ वर्ष अगाडि ‘नेपाली बाबू’ चलचित्रका लागि ‘यो साइनो मायाको छुट्दैन कहिले’ बोलको गीत गाएका बलिउड गायक÷गायिका बाबुल सुप्रियो र संजिवनीको स्वरमा कृष रिजालको संगीतमा पाण्डेयका शब्द ‘यो भाकै तिम्रो मायाले हो’ बोलको गीत मुम्बईमा रेकर्ड भएको छ ।
चलचित्र ‘दुईपल’को ‘मनले मनको साथ पायो’, ‘हंगामा’को सिन्का–सिन्का जोडेर’, ‘दुलही’को ‘एकादेशमा सुनेको थिएँ’, ‘पर्खि बसेँ’को ‘फूलमा बागमा’, ‘मेरो जीवनसाथी’को ‘सररर वेग मारी बेनीको बस आयो’लगायतका गीतमा पाण्डेयले संजिवनीसँग सहकार्य गरेका थिए ।
बाबुलले शाहरुख खान, सलमान खान, आमिर खानलगायत बलिउडका अधिकांश सुपरस्टारका लागि गीत गाइसकेका छन् ।