‘छक्का पञ्जा–५’को गीतमा प्रेम, धोका र श्राप
काठमाडौं । चलचित्र ‘छक्का पञ्जा–५’को गीत सार्वजनिक भएको छ । ‘छक्का पञ्जा–५’को ‘ब्रेक अप’बोलको गीत सार्वजनिक गरिएको हो ।
गीतमा शब्द, संगीत र स्वर बाबुल गिरीको छ । गीतमा प्रेम, धोका र विवाह समेटिएको छ । आफूले माया गरेको व्यक्तिले अर्कैसँग विवाह गर्न लागेपछि रिसको अभिव्यक्ति गीतमा समावेश छ ।
आमा सरस्वती मुभिज र आइएमईको प्रस्तुतिमा निर्माण भएको सिनेमाका कार्यकारी निर्माता केदार घिमिरे (माग्ने बुढा) र निर्मल शर्मा हुन् । सिनेमामा दीपकराज गिरी, वर्षा शिवाकाेटी, केदार घिमिरे (माग्ने बुढा) मुख्य भूमिकामा छन् ।
अभिनेता निर्माता दीपक राज गिरीको पटकथा रहेको सिनेमाको कथा र संवाद दीपक, केदार र दीलिप तामाङले मिलेर लेखेका हुन् । हरि हुँमागाईको डिओपी, उत्तम हुँमागाईको छायांकन, रोशन श्रेष्ठको द्धन्द्व निर्देशन, कपिल पराजुलीको कलर रहेको सिनेमामा विपिन मल्लको सम्पादन छ ।
सिनेमालाई श्री ब्यंकटेश इन्टरटेनमेन्ट र माता पाथिभार फिल्मस्ले वितरण गर्दैछन् ।