चलचित्र ‘खुस्मा’ आजदेखि हलमा
काठमाडौं । चलचित्र ‘खुस्मा’ आजबाट प्रदर्शनमा आएको छ । सिनेमाको लेखन तथा निर्देशन अशोक थापा मगरले गरेका छन् ।
चलचित्रमा धिरज मगर र उपासना सिंह ठकुरीसँगै माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतका कलाकारको अभिनय रहेको छ ।
सिनेमाको निर्मातामा विर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर छन्, भने सह–निर्माता सुस्मिता बुढाथोकी हुन् । सिनेमामा दिपक बज्राचार्यको छायांकन रहेको छ ।
मगर समुदायको परिवेशमा निर्माण भएको प्रेमकथामा आधारित सिनेमाले जनयुद्धको प्रभावका बीच अंकुराएको प्रेमलाई पर्दामा देखाएको छ ।
प्रिमियरमा सिनेमा हेरेपछि अधिकांशले चलचित्रले दर्शकलाई होल्ड गर्ने बताएका थिए । तत्कालीन माओवादी र सरकारबीच द्वन्द्वले आम नागरिक कसरी प्रभावित हुन पुगे र निर्दोष नागरिक त्यसको शिकार भए भन्ने चलचित्रले सरल तरिकाले देखाएको चलचित्रकर्मीले प्रतिक्रिया दिएका छन् ।