‘एक्टर’को टिजरमा प्रदीपका यी तीन रुप, खलपात्रमा देखिए राजबल्लभ
काठमाडौं । चलचित्र ‘एक्टर’को टिजर सार्वजनिक भएको छ । टिजरको अधिकांश समय प्रदीप खड्काले अकुपाइ गरेका छन् ।
टिजरमा प्रदीपसँगै दिब्या रायमाझी, आना शर्मा र राजबल्लभ कोइरालाले स्थान पाएका छन् ।
टिजरमा प्रदीपका तीन रुप देखाइएको छ । पहिलो रुप म्युजिसियन, दोस्रो पाइलट र तेस्रो घाइते जहाँ उनी बैशाकीको सहारामा देखिएका छन् ।
महत्वाकांक्षी व्यक्तिको रुपमा उनलाई चित्रण गरिएको छ । प्रदीप दिब्या र आनाको प्रेममा रहेको पनि देखिएको छ ।
लामो समयपछि कमब्याक गरेका राजबल्लभ भने प्रदीप जिन्दगीको खलपात्रका रुपमा देखिएका छन्, टिजरमा ।
राजन भुसालको डेब्यु निर्देशनमा बनेको चलचित्र ‘एक्टरः टेक वान’ थम्मन कुमार भण्डारीको लगानी छ । सिनेमामा प्रदीप, आना, दिव्या र राजबल्लभसँगै दिव्य देव, उषा रजक र सुशील सिटौलालगायत कलाकारको अभिनय रहेको छ ।
अभिनेता दीलिप रायमाझीकी छोरी दिव्याले यही चलचित्रबाट अभिनेत्रीको रुपमा डेब्यु गरेकी हुन् ।
अदृत फिल्मस् र मोती फिल्मसको संयुक्त प्रस्तुतिमा बनेको यस सिनेमाका अनिश भुसाल सह–निर्माता र क्रियटिभ प्रोड्युसर मोती कार्की हुन् ।
चलचित्रको कथा आकाश बराल र राजन भुसालले संयुक्त रूपमा लेखेका हुन् । सिनेमामा नरेन्द्र मैनालीको छायांकन, निमेश श्रेष्ठको सम्पादन, हर्कुलस बस्नेत, रोहित शाक्य, र एलिस कार्कीको संगीत, शिशिर खाती र किरण थापाको कोरियोग्राफी, अष्ट महर्जनको द्वन्द्व निर्देशन तथा राजेन्द्र मोक्तानको रंग संयोजन छ ।
‘एक्टरः टेक वान’ आगामी कात्तिक १५ गते लक्ष्मी पूजाको दिन रिलिज हुनेछ ।