युट्युबको ट्रेन्डिङको २ नम्बरमा ‘एक्टर’को टिजर

काठमाडौं । चलचित्र ‘एक्टर : टेक वन’को टिजर युट्युबको ट्रेन्डिङ नम्बर २ मा आइपुगेको छ ।

कात्तिक १५ मा रिलिज हुने चलचित्रको टिजर युट्युबको लागि नेपाल ट्रेन्डिङको नम्बर २ स्थानमा पुगेको छ ।

१ मिनेट २० सेकेन्ड लामो टिजरमा प्रदीप खड्का, आना शर्मा, दिव्या रायमाझी, राजबल्लभ कोइरालाका दृश्यहरूलाई प्रस्तुत गरिएको छ । चलचित्रमा तनावपूर्ण सम्बन्धहरूको चित्रण छ ।

• 
• 
• 

‘एक्टर’को टिजरमा प्रदीपका यी तीन रुप, खलपात्रमा देखिए राजबल्लभ

दिव्या रायमाझीले यही चलचित्रबाट आफ्नो अभिनय यात्रा सुरु गरेकी छन्ज । उनलाई ‘बोल्ड एन्ड ब्यूटिफूल’ रूपमा प्रस्तुत गरिएको छ । दिव्या, चर्चित अभिनेता दिलीप रायमाझीकी छोरी हुन् । उनी अमेरिकाबाट नेपाल फर्केर यो चलचित्रमा अभिनय गर्न थालेकी हुन् ।

चलचित्रलाई राजन भुसालले निर्देशन गरेका छन् । स्क्रिप्ट आकाश बराल र राजन भुसालले लेखेका हुन् । यस चलचित्रमा प्रदीप, आना, दिव्या, राजबल्लभका साथै दिव्य देव, उषा रजक, सुशील सिटौलालगायतका कलाकारहरूको प्रमुख भूमिका रहेको छ ।