हनी सिंहको अभिनेत्री हीरा सोहलसँग अफ्येर्स
काठमाडौं । चर्चित भारतीय र्यापर यो यो हनी सिंहले अभिनेत्री हीरा सोहलसँगको प्रेम सम्बन्धलाई औपचारिक रूपमा सार्वजनिक गरेका छन् । अबु धाबीमा आयोजित आइफा अवार्ड २०२४ को ग्रीन कार्पेटमा हानी सिंहले प्रेमिका हीरासँग हात समातेर पोज दिएका थिए। दुवैको अनुहारमा देखिएको मिठो मुस्कानले उनीहरूको खुशी स्पष्ट झल्किन्थ्यो ।
यो अवसरमा पापाराजीहरूले जोडीलाई जिस्क्याए पनि उनीहरूले आत्मविश्वासका साथ आफ्नो सम्बन्धलाई प्रकट गरेका थिए। हीरा सोहलले पोज दिन हिचकिचाए पनि पछि हनी सिंहले उनको हात समातेपछि दुवैले मिलेर मिडियाको अगाडि पोज दिए।
हनी सिंहले अभिनेत्री हीरालाई केही समयदेखि डेट गरिरहेका छन् भन्ने चर्चा भइरहेको थियो। तर, यो सार्वजनिक रूपमा उनीहरू एकसाथ देखिएको पहिलो पटक हो ।
हनी सिंहको पहिलो विवाह शालिनी तलवारसँग भएको थियो। ११ वर्ष लामो वैवाहिक जीवनपछि सन् २०२२ मा उनीहरूले सम्बन्धविच्छेद गरेका थिए ।
शालिनीसँगको सम्बन्धविच्छेदपछि हनी सिंहले अभिनेत्री टीना थडानीसँग पनि सम्बन्ध राखे, तर त्यो सम्बन्ध पनि २०२३ मा टुटेको थियो। अहिले भने हनी सिंह र हीरा सोहलको प्रेम सम्बन्धले फेरि मिडियामा चर्चा पाएको छ, र आइफा अवार्डको ग्रीन कार्पेटमा देखिएको यो जोडीले आफ्नो सम्बन्धलाई औपचारिकता दिएका छन् ।