प्रेमी-प्रेमिकाबीचको मायालु सम्बन्धलाई चित्रण गरेको ‘प्यारो मान्छे’
काठमाडौं । गायक प्रताप दाश र गायिका रचना रिमालको आवाजमा नयाँ म्युजिक भिडियो ‘प्यारो मान्छे’ सार्वजनिक गरिएको छ । ओएसआर डिजिटल मार्फत सार्वजनिक गरिएको यो गीतको शब्द शान्ति बस्नेत (बलराम)ले लेखेकी हुन् भने सङ्गीत र एरेन्ज नारायण डङ्गोलले गरेका छन् ।
गीतको भिडियोमा अभिनेता सलोन बस्नेत र मोडेल मोनिका बोहोरालाई मुख्य भूमिकामा देख्न सकिन्छ। भिडियोले प्रेमी-प्रेमिकाबीचको मायालु सम्बन्धलाई चित्रण गरेको छ । दिनेश काफ्लेले निर्देशन गरेको यस भिडियोको निर्माणमा शान्ति बस्नेत स्वयं लगानीकर्ताको रुपमा रहेकी छन् ।
भिडियोको छायाङ्कन सुसन प्रजापतिले गरेका हुन् भने सम्पादन र कलरिङ्गको जिम्मा मनोज कार्कीले लिएका छन्। शिशिर खातीको कोरियोग्राफी र करन खतिवडा सहायक निर्देशनमा रहेका यो भिडियोको पोस्ट प्रोडक्सनको काम म्युजिक प्लसले सम्पन्न गरेको छ ।
‘प्यारो मान्छे’ म्युजिक भिडियोले प्रेमी-प्रेमिकाबीचको भावनात्मक सम्बन्धलाई आकर्षक दृश्यहरु मार्फत प्रस्तुत गरेको छ, जसले दर्शकहरूको ध्यान आकर्षित गर्ने अपेक्षा गरिएको छ ।