राजु र त्रिसलाको ‘तिम्रा पाइलाहरू’मा ध्रुव र नीतिको केमिस्ट्री
काठमाडौं । गायक राजु लामा र गायिका त्रिसला गुरुङको युगल स्वरमा सजिएको नयाँ गीत ‘तिम्रा पाइलाहरु’ को म्युजिक भिडियो हालै सार्वजनिक भएको छ ।
मेलोडी नेपाल युट्युब च्यानलमार्फत सार्वजनिक गरिएको गीतमा लेखु सहयात्रीले शब्द र संगीत रहेको छ ।
सोनाम पाख्रिनले निर्देशन गरेको गीतको भिडियोमा मोडल ध्रुव जिसी र नीति शाहलाई फिचर गरिएको छ । भिडियोमा उनीहरुको केमिस्ट्री दर्शकलाई मनपर्ने खालको देखाइएको छ ।
सुरुवातमा यो गीत सहयात्रीले चलचित्रका लागि तयार पारेका थिए, तर बनाइदिनु पर्यो भन्नेले वास्ता नगरेपछि निर्देशक पाख्रिनले गीत सुनेर यसको म्युजिक भिडियो बनाउन तत्परता देखाएका हुन् ।
ध्रुवको यो दोस्रो म्युजिक भिडियो हो । नीतिले यो भिडियोलाई आफ्नो पहिलो म्युजिक भिडियो भन्न रुचाएकी छन् । यसअघि सानो भूमिका निभाएको र ‘तिम्रा पाइलाहरु’ मा पूर्ण रुपमा पहिलो पटक अभिनय गरेको बताइन् ।
भिडियोको छायांकन उत्सव दाहाले गरेका हुन् भने कोरियोग्राफी कविराज गहतराजले रहेका छन् । सम्पादनको जिम्मेवारी बिकाश दाहालले सम्हालेका छन् ।