एड्भान्स बुकिङ उच्च देखिएपछि ‘१२ गाउँ’को शो निरन्तर थपिँदै
काठमाडौं । एड्भान्स बुकिङ उच्च देखिएपछि क्यूएफएक्सले चलचित्र ‘१२ गाउँ’को शो बढाएको छ । सोमबार बाँडफाँट गरेर बुकिङ ओपन गरेको क्फूएफएक्सले ‘१२ गाउँ’को बुकिङ उच्च भएपछि शो थपेको हो ।
सुरुमा शो निकाल्दा काठमाडौं उपत्यकामा २२ र उपत्यका बाहिर ४६ शो प्रदान गरेको थियो । तर प्रि–बुकिङ उच्च हुँदै जाँदा क्यूएफएक्सले शो बढाएर मंगलबार साँझसम्म काठमाडौं उपत्यका २२ बाट बढाएर २६ पुर्याएको छ । दिउँसो यो संख्या २५ थियो । बुकिङ जति थपिँदैछ शो पनि थपिँदैछ ।
काठमाडौं बाहिर पनि क्यूएफएक्सले शो थपेको छ । बिहानसम्म २४ शो रहेकोमा साँझ एक शो थपिएको छ । काठमाडौं बाहिर क्यूएफएक्सका ९ वटा स्टेशनमा २५ शो पाएको छ ।
बिहान जम्मा ४६ शो रहेकोमा साँझसम्म शो बढेर ५१ पुगेको छ । अन्य मल्टिप्लेक्समा पनि शो थपिएको ‘१२ गाउँ’को निर्माण पक्षले जनाएको छ ।
हलले जुन सिनेमामा बुकिङ धेरै आउँछ त्यसको शो थप्दै जान्छन् भने जसको कम आउँछ उसको शो घटाउँदै जान्छन् ।
‘१२ गाउँ’ असोज २४ गते बाट रिलिज हुँदैछ । यही दिन ‘छक्का पञ्जा–५’ र ‘ज्वाइँ साब’ पनि रिलिज हुँदैछन् ।
यो पनि पढ्नुहोस्