हरर कमेडी ‘फिरफिरे फिरिरी’ पोस्टर सार्वजनिक
काठमाडौं । बिन्दबासिनी क्रियसनको ब्यानरमा निर्माण गरिएको हरर कमेडी जनरामा आधारित चलचित्र ‘फिरफिरे फिरिरी’ को पोस्टर सार्वजनिक गरिएको छ ।
आगामी कार्तिक २२ गते छठ पर्वको अवसरमा प्रदर्शनमा आउन लागेको सिनेमाको निर्माण मनोज कुमार अधिकारीले गरेका हुन्, जसले यसअघि ‘नौ डाँडा पारी’ र ‘मंगलसुत्र’ जस्ता चर्चित सिनेमाहरू निर्माण गरेका थिए ।
सिनेमाको शिर्ष गीत गत साता सार्वजनिक भएको थियो, जसले युट्युबमा राम्रो प्रतिक्रिया पाएको छ । चलचित्रको लेखन सन्दीप श्रेष्ठ र नबिन भट्टले गरेका छन्, जहाँ सन्दीप श्रेष्ठ र भावना उप्रेतीले आफ्नो डेब्यु गर्नेछन् ।
अनन्त घिमिरेले डिजाइन गरेको सार्वजनिक पोस्टरमा प्रमुख कलाकारहरू मनोज कुमार अधिकारी, सन्दीप श्रेष्ठ, भावना उप्रेती, रबिना केसी, पुष्प अवस्थी र सूर्यमान लिम्बुको अभिनय रहेको छ । यो सिनेमाले दर्शकलाई हेरुञ्जेल मनोरञ्जन दिने विश्वास निर्माता अधिकारीले व्यक्त गरेका छन् ।
सिनेमामा जितु तामाङको छायांकन, रोशन दास, प्रकाश दाहाल र अग्नि सुबेदीको सहायक निर्देशन, केशवराज भट्टको कोरियोग्राफी, एलिस कार्कीको ब्याकराउण्ड म्युजिक, प्रशान्त सिवाकोटीको संगीत, अमित श्रेष्ठको साउण्ड डिजाइन र अनन्त घिमिरेको सम्पादन तथा कलर संयोजन रहेको छ ।
सिनेमाको वितरण आरआर फिल्म्सले गर्नेछ भने डिजिटल अधिकार म्युजिक नेपालले लिएको छ ।