‘फेरि रेशम फिलिलि’को अफिसियल घोषणा, निरोज निर्देशक
२५ आश्विन २०८१, शुक्रबार
काठमाडौं । सिनेमा ‘फेरि रेशम फिलिलि’को अफिसियल घोषणा गरिएको छ । शुक्रबार निर्माणपक्षले सिनेमा निर्माणको घोषणा गरेको हो ।
चलचित्रको लेखन तथा निर्देशन निरोज महर्जनले गर्नेछन् । पटकथा निरोज महर्जन र आकाश बरालको रहनेछ ।
सिनेमामा विनय श्रेष्ठ, कामेश्वर चौरसिया, सुपुष्पा भट्ट, नीर शाह, रवीन्द्र झा, प्रकाश घिमिरे, लक्ष्मी गिरी, महेश त्रिपाठीलगायत कालाकारको अभिनय रहनेछ ।
रौनक विक्रम कडेल निर्माता रहेको सिनेमामा कार्यकारी निर्माता सुरज बम ठकुरी छन् । सहनिर्माता एनी थापा हुन् ।
सुजन प्रजापतिको छायांकन रहने सिनेमा सम्पादन सुरेन्द्र पौडेलले गर्नेछन् । सिनेमा आर्टसको प्रस्तुति तथा दि मोसन पिक्चर्सको सहकार्यमा सिनेमा बन्नेछ ।