गाउँले जीवनको सरलता र प्रेमलाई चित्रण गरिएको ‘फूल टिपी’
काठमाडौं । ‘फूल टिपी’ बोलको नयाँ म्युजिक भिडियो सार्वजनिक भएको छ । यस गीतमा गायिका रिज्योना कार्कीले स्वर दिएकी छिन् भने शब्द शङ्कर अधिकारी घायलले लेखेका हुन् ।
लक्ष्मण पोखरेलको सङ्गीत रहेको यो गीतमा अशोक थापाले सङ्गीत संयोजन गरेका छन् ।
कविराज गहतराजले निर्देशन र कोरियोग्राफी गरेको भिडियोमा अञ्जना तामाङको अभिनय देख्न सकिन्छ । जसमा नेपाली गाउँकी छोरीको जीवनशैली र परम्परागत पहिरनलाई विशेष रूपमा प्रस्तुत गरिएको छ ।
यो भिडियोले गाउँले जीवनको सरलता र प्रेमलाई विशेष रूपमा चित्रण गर्दै सांस्कृतिक पहिरन, जस्तै आमाको बुलाकी र पान बुट्टे सारी जस्ता पहिरनहरूको आकाङ्क्षा व्यक्त गरेको छ।
भिडियोको छायाङ्कन दुर्गा पौडेलले र सम्पादन तथा रङ्ग संयोजन मनोज कार्कीले गरेका हुन् ।
‘फूल टिपी’ म्युजिक भिडियो हाइटेक इन्टरटेन्मेन्टको युट्युब च्यानलमार्फत सार्वजनिक भएको हो ।