‘तेल भिसा’को गीत ‘कति रमाइलो’ सार्वजनिक
काठमाडौं । चलचित्र ‘तेल भिसा’को गीत सार्वजनिक भएको छ । आज काठमाडौंमा एक कार्यक्रम आयोजना गर्दै चलचित्रको गीत सार्वजनिक गरिएको हो ।
‘कति रमाइलो’ बोलको गीतमा अञ्जु पन्त र आषिश अभिरलको स्वर छ । एकनारायण भण्डारीको शब्दरचना रहेको गीतमा संगीत आषिश अभिरलको छ ।
पारिवारिक र साथीसंगीबीचको जमघटको रमाइलोलाई गीतले समेटेको छ ।
गीतमा विपीन कार्की, वर्षा राउत, दिलीप रायमाझी, सुशील क्षेत्री, ऋचा घिमिरे, उषा पौडेल, अरुणिमा लम्शाललगायत फिचर्ड छन् ।
निर्देशक शंकर घिमिरेको लेखन तथा निर्देशनमा निर्माण भएको चलचित्र ‘तेल भिसा’मा अभिनेता विपीन कार्कीको बृद्ध र जवान गरी दोहोरो भूमिका हेर्न पाइनेछ ।
सिनेमामा विपिनसँगै वर्षा राउत, पूजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरुको अभिनय रहेको छ ।
वेलडन क्रियसनको व्यानरमा ऋचा घिमिरेको प्रस्तुति रहेको सिनेमामा अनिल पाण्डे र शिवराज कार्कीको लगानी छ । प्रिन्स युवराज कार्की र श्रुती दाहाल कार्यकारी निर्माता रहेको सिनेमामा सुशन प्रजापतिको छायांकन छ ।
रामजी लामिछाने र शिशिर खातीको कोरियोग्राफी, आशिष अविरल, कल्याण सिंह र कृष्ण भारद्धाजको संगीत र अजय खड्काको सम्पादन छ ।
‘तेल भिसा’ मंसिर ७ गते रिलिज हुँदैछ ।