‘छक्का पञ्जा–५’ले तोड्यो यसका सबै सिरिजको रेकर्ड
काठमाडौं । चलचित्र ‘छक्का पञ्जा–५’ले कति कलेक्सन गर्यो ? हालसम्म निर्माणटिमले आधिकारिक रुपमा सार्वजनिक गरेको छैन ।
तर, यसका कलाकारसमेत रहेका निर्माता दीपकराज गिरीले ग्रसकलेक्सन २० करोड क्रस गरेको संकेत गरेका छन् । ‘छक्का पञ्जा’का सिरिजमध्ये सबैभन्दा धेरै कलेक्न गर्नेको रेन्जमा रहेको बताएका छन् । यसको अर्थ ‘छक्का पञ्जा–५’ले २० करोड कलेक्सन गरिसकेको छ ।
फूलपातीका दिन रिलिज भएको चलचित्र हालसम्म प्रदर्शनरत छ । बिहीबारबाट यो सिनेमा चौथो सातामा प्रवेश गरेको छ । त्यसैले तीन सातामा २० करोडभन्दा माथि ग्रसकलेक्सन गरेको हो ।
अझै पनि यो सिनेमा चलिरहेकाले ‘छक्का पञ्जा’ सिरिजका सबै रेकर्ड तोड्ने निश्चित भएको छ ।
दीपाश्री निरौलाले निर्देशन गरेको सिनेमामा दीपकराज गिरी, केदार घिमिरे, वर्षा शिवाकोटी, प्रकाश घिमिरे, निर्मल शर्मालगायत कलाकारको मुख्य भूमिका छ ।
चलचित्रले भ्रष्टाचार र देशप्रेमको कथा उठाएको छ ।