‘ज्वाइँ साब’मा ‘जिरे खुर्सानी’का ‘जिरे’को इन्ट्री

काठमाडौं । चलचित्र ‘ज्वाइँ साब’मा कलाकार इशान राउत पनि जोडिएका छन् । हाँस्य सिरियल ‘जिरे खुर्सानी’मा बाल–कलाकारको रुपमा अभिनय गरेका इशान यो चलचित्रमा अनुबन्धित भएका हुन् ।

लामो समयदेखि मिडियामा नदेखिएका उनी मकवानपुरको चित्लाङमा छायांकन भइरहेको चलचित्र ‘ज्वाइँ साब’मा खेल्ने भएका हुन् ।

वसन्त निरौलाको निर्देशनमा तयार भइरहेको चलचित्र ‘ज्वाइँ साब’मा मुख्य भूमिकामा जीतु नेपाल र नीति शाह छन् ।
राजकुमार पण्डितको प्रस्तुतिमा तयार भइरहेको यो चलचित्रमा वुद्धि तामाङ, हिमेश पन्त, रमेश वुढाथोकी, प्रकाश घिमिरे, निमा पाण्डेलगायत कलाकारको अभिनय छ ।

• 
• 
• 

चलचित्रमा मीनादेवी पाण्डे, सौगात पण्डित र पदमलाल तामाङको लगानी रहनेछ ।

विजय बस्याल कार्यकारी निर्माता रहेको चलचित्रमा सविन अधिकारीको कथा, शंकर धितालको पटकथा तथा संवाद छ ।