‘रंगी’को मध्यपूर्व र मलेसिया राइट्स बिक्री
२७ कार्तिक २०८१, मंगलवार
काठमाडौं । सान्भी इन्टरटेनमेन्टको व्यानरमा छायांकनरत चलचित्र ‘रंगी’को मध्यपूर्व र मलेसिया अधिकार बिक्री भएको छ ।
सलोन बस्नेत प्रस्तुतकर्ता रहेको चलचित्रलाई आशिष इन्टरटेनमेन्टले मध्यपूर्व र मलेसिया अधिकार किनेको हो । निर्माण पक्षले कति रकममा बिक्री गरेको हो भन्ने केही खुलाएको छैन ।
सुरेश न्यौपानेको ‘डेब्यू’ निर्देशन रहेको चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ र विशाल पहारीको अभिनय छ ।
सक्षम सुवेदीको निर्माण रहेको चलचित्रमा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, कविराज गहतराज र शिशिर खातीको कोरियोग्राफी छ ।