‘कार्साङ’को तेस्रो पोस्टरमा के छ ?

काठमाडौं । चलचित्र ‘कार्साङ’को तेस्रो पोस्टर सार्वजनिक भएको छ । निर्माणपक्षले सार्वजनिक गरेको पोस्टरमा जितु नेपाल र दीया मास्के फिचर्ड छन् ।

गाउँको घरको आँगनम जितु र दीया छन् । दीया मकै पिन्दैछिन् । जितु दीयासँग गफ गर्दैछन् । यसले उनीहरू गाउँले सामान्य परिवारका व्यक्ति हुन् भन्ने पहिचान हुन्छ ।

यसअघि जितु र दयाहाङ राईको सिंगल÷सिंगल पोस्टर सार्वजनिक भएको थियो ।

• 
• 
• 

यम शेर्पाको डेव्यु लेखन तथा निर्देशनमा निर्माण भएको सिनेमा ‘कार्साङ’ पुस २६ गते पदर्शन हुँदै छ ।

शेर्पा समुदायको संस्कृतिमा आधारित भएर बनेको चलचित्रमा अभिनेता दयाहाङ राई, डेब्यु अभिनेत्री सिर्जना निङलेखु, जितु नेपाल, दीया मास्के, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डितलगायतको अभिनय छ ।

यार्सा फिल्म्स र पुरुषोत्तम प्रधान फिल्मसको प्रस्तुतिमा निर्माण भएको सिनेमाका पुरुषोत्तम प्रधानको छायांकार र निर्माता स्वयंम हुन् । सिनेमाको सह–निर्मातामा गोविन्द बोहरा, कार्यकारी निर्माता आङछिरिङ शेर्पा तथा लाइन प्रोड्युसर वीरेन्द्र शाही छन् ।

यो चलचित्रको अन्तर्राष्ट्रिय वितरक अधिकार हुल्या इभेन्टस सुमन पराजुली र सोमलाल थोकर लिएको छ भने देशभर वितरणको जिम्मेवारी आरआर फिल्मसले लिएको छ ।