‘भट्टी कि रानी’मा अलिसासँग रोशनको रोमान्स
काठमाडौं । अमेरिकामा रहेर पनि नेपाली संगीत क्षेत्रमा सक्रिय गायक तथा मोडल रोशन अधिकारीले आफ्नो नयाँ गीत ‘भट्टी कि रानी’ सार्वजनिक गरेका छन् । शुक्रबार काठमाडौंमा आयोजित एक विशेष पत्रकार सम्मेलनमा उक्त गीतको म्यूजिक भिडियो सार्वजनिक गरिएको हो ।
गीतमा रोशन अधिकारीको स्वर छ भने,संगीत विष्णु भट्टले दिएका छन् । गीतमा विपिन सलामीको शब्द छ । भिडियोमा रोशन अधिकारी र अलिसा शर्माले मोडलिङ गरेका छन् । भिडियोमा भट्टीमा रोशन अधिकारी र अलिसा शर्माबीचको रोमान्सलाई आकर्षक ढंगले प्रस्तुत गरिएको छ ।
भिडियोलाई माइकल चन्दले निर्देशन गरेका हुन्, जसमा मोडल रोशन र अलिसाको डान्स प्रस्तुति निकै रोचक देखिएको छ । सिलन लम्सालको सम्पादन र उत्सव दाहालको छायांकनले भिडियोमा थप जीवन्तता दिएको छ ।
कार्यक्रममा बोल्दै गायक तथा मोडल रोशन अधिकारीले आफ्नो नयाँ गीत दर्शकहरूको मनोरञ्जनका लागि डान्सिङ नम्बरको रूपमा ल्याएको बताएका छन् । उनले भिडियोको निर्माणमा मेहनत भएको र यसले दर्शकको मन जित्ने विश्वास व्यक्त गरे ।
त्यसैगरी, मोडल अलिसा शर्माले पनि यो भिडियोमा काम गर्दा आफूलाई निकै रमाइलो र सहज लागेको बताइन् । उनले रोशनसँगको सहकार्यलाई स्मरणीय अनुभवको रूपमा उल्लेख गरिन् ।
गीतको म्यूजिक भिडियोले दर्शकको राम्रो प्रतिक्रिया पाउने अपेक्षा गरिएको छ ।