नायिका कविता नेपाली सगरमाथा आरोहण गर्दै
काठमाडौं । चलचित्र ‘एक्लो’ कि नायिका कविता नेपालीले सगरमाथा आरोहण गर्ने भएकी छन् । यतिबेला उनी सगरमाथा आरोहणको लागि आवश्यक पूर्वतयारीमा छिन् । डान्सिङ रियालिटी शोको विजेता बनेकी नेपालीले सयभन्दा बढी म्युजिक भिडियो, वेव सिरिजमा काम गरिसकेकी छन् । उनी अभिनीत पहिलो चलचित्र ‘एक्लो’को छायांकन सकेर युकेमा पोस्ट प्रोडक्सनको कार्य भइरहेको छ।
साइन्स फिक्सनमा आधारित रहेर निर्माण भइरहेको चलचित्र ‘एक्लो’ को छायाँकनका लागि अपर मुस्ताङमा पुग्दा कविता नेपालीलाई सगरमाथा चढ्ने सोच पलाएको उनले बताइन् ।
सगरमाथा चढ्नुअघि अन्य हिमाल चढ्नुपर्ने र आवश्यक तालिम समेत लिनु पर्ने भएकोले उनी अहिले तयारीमा जुटेकी हुन् । उनी अहिले सगरमाथा बेस क्याम्पमा तयारी गर्दै गरेकी छन् ।
कविता नेपालीलाई सगरमाथा चढ्न चलचित्र ‘एक्लो’ निर्माण टिमले पनि आवश्यक सहयोग गर्ने चलचित्रका कार्यकारी निर्माता विनोद सुवेदी क्षितिजले बताए ।
प्रदीप शाहीको निर्देशनमा बनेको चलचित्र ‘एक्लो’मा कविता नेपालीसँगै प्रदीप खड्का, विजय लामा, सुनील थापा, दिया पुन, वेनिशा हमाल, दिनेश डीसी, सुरज सिहँ ठकुरी, त्रिचु राई, कृष्णभक्त महर्जन, विकास अधिकरीलगायतको अभिनय छ ।