‘पुष्पा–२’ले कति गर्ला ओपनिङ, ‘पूर्ण बहादुरको सारङ्गी’को रेकर्ड तोड्ला ?

काठमाडौं । चलचित्र ‘पुष्पा–२’ आजबाट रिलिज भएको छ । बिहान ४ बजेदेखि राति १२ बजेसम्म शो पाएको यो चलचित्रले कति ओपनिङ गर्छ भन्ने धेरैमा चासो छ ।

अहिलेसम्मका सबै ओपनिङको रेकर्ड तोड्ने धेरैको अनुमान छ । प्राप्त शो हेर्दा यो अनुमान लगाउन पनि सकिन्छ ।

देशभरका हलमा करिब ६०० शो पाएको छ । यसअघि ‘पूर्ण बहादुरको सारङ्गी’ले देशभरका ८१ वटा हलमा ३८९ शो पाएको थियो ।

• 
• 
• 

‘पूर्ण बहादुरको सारङ्गी’ले एकै दिन तीन करोड ८९ लाख ग्रसकलेक्सन गरेको थियो । तर, यो ओनिङ कलेक्सन भने होइन ।

‘पूर्ण बहादुरको सारङ्गी’ले एकै दिन गरेको तीन करोड ८९ लाखको ग्रसकलेक्सन ‘पुष्पा–२’ले तोड्ने धेरैको अनुमान छ ।

चलचित्र ‘पुष्पा–२ : द रुल’ मा दक्षिण भारतीय अभिनेता अल्लु अर्जुन र अभिनेत्री रश्मिका मन्दना मुख्य भूमिकामा छन् ।

चलचित्रलाई सुकुमार बान्द्रेडीको निर्देशन गरेका छन् । चलचित्रको कथा पनि निर्देशक स्वयंले लेखेका छन् ।