वसन्त निरौलाको निर्देशनमा ‘दशमी’ बन्ने, आगामी दसैंमा प्रदर्शन
काठमाडौं । निर्देशक वसन्त निरौलाको निर्देशनमा चलचित्र ‘दशमी’ बन्ने भएको छ ।
शनिबार भक्तपुरको सूर्यविनायक गणेशथान मन्दिरमा स्क्रिप्ट पूजा गर्दै चलचित्र निर्माणको घोषणा गरिएको हो । निरौलाको निर्देशन रहेको ‘ज्वाइँ साब’ गत दसैंमा प्रदर्शनमा आएको थियो । चलचित्रले राम्रो व्यापार गरेको थियो ।
चलचित्र ‘दशमी’ रेड आई फिल्म्स र रोमन फिल्म्सको प्रस्तुतिमा निर्माण हुन् लागेको हो । यसमा राजकुमार पण्डितको लगानी रहनेछ । चलचित्रको लेखक दिलीप रानाभाट हुन् । निर्मातामा राजाराम बुढाथोकी, समीर पण्डित, सौगात पण्डित, पदम तामाङ र भीमप्रसाद आचार्य छन् ।
विजय बस्याल कार्यकारी निर्माता रहेको चलचित्रको प्रोडक्सन म्यानेजर दिलीप पन्त छन् । यो चलचित्रमा ‘ज्वाइँ साब’ कै निर्माण टिम देखिएको छ । चलचित्रको नाम घोषणा गरे पनि कलाकारको लाइनअप भने सार्वजनिक गरिएको छैन ।
चलचित्र आगामी दसैंको फूलपातीका दिन रिलिज घोषणा गरिएको छ । सामाजिक कथामा यो चलचित्र निर्माण हुनेछ ।