‘दुखी आत्मा’का तीन पोस्टरमा के छ ?
काठमाडौं । भ्यालेन्टाइन्स डेको अवसर पारेर फागुन २ गते रिलिज हुने चलचित्र ‘दुखी आत्मा’को फर्स्टलुक पोस्टर सोमबार सार्वजनिक गरिएको छ ।
दीपेन्द्र लामा लिखित तथा निर्देशित सिनेमाका सार्वजनिक तीन विभिन्न डिजाइनका पोस्टरले दर्शकमा उत्सुकता थप बढाएको छ ।
एक पोस्टरमा प्रमुख अभिनेता दयाहाङ राई अभिनेत्री आँचल शर्मा सँग प्रेमिल भावमा देखिएका छन् भने अर्को पोस्टरमा दयाहाङ एक्लै प्रस्तुत छन् ।
यसैगरी, अर्को पोस्टरमा दयाहाङ र आँचलका साथमा अनुपविक्रम शाही, बुद्धि तामाङ, रेअर राई, लोकेन्द्र लेखक, र आशान्त शर्मा समेत समावेश गरिएका छन् ।
क्लक वर्क क्रिएसनको ब्यानरमा निर्माण गरिएको यस सिनेमाका निर्माता हिमाल कडरिया हुन् भने कार्यकारी निर्माता सुदिप ढकाल रहेका छन् ।
चलचित्रमा चर्चित कवि श्रवण मुकारुङका १० वटा पेचिला कविताहरूलाई विशेष रूपमा समेटिएको छ । आलोक शुक्लाले छायांकन गरेको सिनेमा लाई निमेष श्रेष्ठले सम्पादन गरेका छन् ।
सिनेमा को वितरण जिम्मेवारी आरआर फिल्म्सले लिएको छ ।