अभिनेत्री कृति सेननले आफूभन्दा नौ वर्ष कान्छा प्रेमीसँग बिहे गर्दै !
काठमाडौं । बलिउड अभिनेत्री कृति सेननले यसै वर्ष फिल्म ‘दो पट्टी’ बाट निर्माताको रुपमा डेब्यु गरेकी छिन् । यसमा उनले अभिनेत्री काजोलसँग पनि अभिनय गरेकी थिइन् ।
फिल्म र अभिनयसँगै कृति आफ्नो व्यक्तिगत जीवनका कारण पनि चर्चामा छिन् । उनी कबीर बहियासँग डेट गरिरहेकी छिन् । उनीहरुको अफेयरको खबरहरु बीचै उनीहरुको बिहेको हल्ला चलिरहेको छ । यसको पछाडिको कारण हो कृतिको तस्विर ।
कबीर बहियासँगको अफेयरको चर्चाका बीच कृति सेनन हालै उनीसँगको एक विवाह समारोहमा पुगेकी थिइन् । मिडिया रिपोर्टमा भनिएको छ कि विवाह कबीरको नजिकको नातेदारको थियो, जसमा कृति पनि सहभागी भएकी थिइन् । यो विवाह दुबईमा भएको थियो । अभिनेत्रीको विवाहको तस्विर सार्वजनिक भएको छ । स्नेहकुमार नामका एक प्रयोगकर्ताले यसलाई इन्स्टाग्राममा सेयर गरेका छन् ।
यो विवाह समारोहमा महेन्द्र सिंह धोनी पत्नी साक्षीसँग पुगेका थिए । धोनीको फ्यान पेजबाट इन्स्टाग्राममा एउटा तस्विर पनि शेयर गरिएको छ, जसमा कृति पनि गुलाबी रंगको साडीमा देखिएकी छन् । यी तस्विरहरु सार्वजनिक भएपछि कृति र कबीर एकअर्कालाई लिएर गम्भीर रहेको दाबी गरिएको छ । दुबै अर्को वर्ष बिहे गर्ने तयारीमा रहेको पनि बताइएको छ । यद्यपी यी समाचारको आधिकारिक पुष्टि भने भएको छैन ।
कृति सेनन र कबीर यसअघि पनि धेरै पटक सँगै देखिएका छन् । यसअघि कबिरसँगको डेटिङ र बिहेको हल्लामा मौनता तोड्दै कृतिले अहिले आफू बिहे गर्ने मूडमा नभएको बताएकी थिइन् । उनले यस्ता समाचारलाई चिन्ताजनक भनेकी थिइन् । फेरि चर्चा चर्किएपछि कृतिले कस्तो प्रतिक्रिया दिन्छिन् त्यो भने चासोको विषय हुनेछ ।
कबीर बाहिया व्यवसायी हुन् । उनी बेलायतमा बस्छन् । रिपोर्टका अनुसार उनी बेलायतको ट्राभल एजेन्सी साउथल ट्राभलका संस्थापक कुलजिन्दर बहियाका छोरा हुन् । कृतिको जन्मदिनमा पनि कबीरसँगको उनको तस्बिर भाइरल भएको थियो । कृतिले आफ्नो जन्मदिन कबीरसँग मात्र मनाएकी थिइन् । रिपोर्टका अनुसार कृतिले आफूभन्दा नौ वर्ष कान्छा प्रेमीसँग २०२५ मा विवाह गर्दै छिन् ।
कृतिसँग फिल्महरूको सूचीमा ‘तेरे इश्क में’, ‘हाउसफुल ५’ र ‘भेडिया २’ समावेश छ ।