चलचित्र ‘चिठ्ठा’ निर्माण हुँदै, धिरेन र भोला मुख्य भूमिकामा
३ पुष २०८१, बुधबार
काठमाडौं । कमेडी जनरामा चलचित्र ‘चिठ्ठा’ निर्माण हुने भएको छ । पुस दोस्रो साताबाट फ्लोरमा जाने चलचित्रलाई आरएल लामा मोक्तानले निर्देशन गर्नेछन् ।
चलचित्रको कथा, पटकथा तथा संवाद निर्देशक स्वयंले लेखेका छन् ।
लंका फिल्म प्रालीको व्यानरमा निर्माण हुने चलचित्रमा धिरेन शाक्य, भोलाराज सापकोटा, अर्जुा गुरुङ, निमा लामा, रसिला कार्की लगायतका कलाकारको मुख्य भूमिका रहनेछ । सिनेमाको लागि एक अभिनेता र एक अभिनेत्री छनोटको चरणमा रहेको निर्देशक लामाले बताए ।
रेल्लु माया तामाङ प्रस्तुतकर्ता रहेको चलचित्रमा आर सुनाम मोक्तानको लगानी रहनेछ । मियम मोक्तान सह–निर्माता रहेको सिनेमामा रंग पत्रकार सञ्चु थोकरको छायांकन, शंकर महर्जनको द्धन्द्व निर्देशन, निर्देशक आरएल लामाको शब्द तथा संगीत, युवराज कँडेल र अनु चौधरीको स्वर रहनेछ ।