राजेशको कमब्याक मुभी ‘नरसिंहाः अवतार’ चैत २९ मा रिलिज हुने
काठमाडौं । दिवाकर भट्टराईको निर्देशनमा निर्माण भइरहेको चलचित्र ‘नरसिंहाः अवतार’ नयाँ वर्षमा रिलिज हुने भएको छ । नयाँ वर्षको अवसर पारेर यो चलचित्र चैत २९ गते रिलिज हुने भएको हो ।
निर्देशक भट्टराईका अनुसार चैत २९ गतेबाट ‘नरसिंहाः अवतार’ देशभरका हलमा रिलिज हुनेछ । राजेश हमालको कमब्याक भनिएको चलचित्र प्रतिक्षित बनेको छ । यो सिनेमाबाट ८ वर्षपछि हमालले कमब्याक गर्न लागेका हुन् ।
एक्सन तथा सोसल ड्रामा जनरामा निर्माण भएको को निर्माता नरेन्द्र महर्जन हुन् ।
चलचित्रमा कलाकारहरु राजेश हमाल, राज कटुवाल, नीति शाह, सनिशा भट्टराई, अर्जुन श्रेष्ठ, सरोज खनाल, दीपा शाही, प्रशान्त ताम्राकार, नीर शाह, रमेस चन्द सोडारी, प्रकाश कुँवरलगायतका कलाकारहरुको अभिनय रहनेछ ।
क्रिएटिभ सिने आर्ट ब्यानरमा निर्माण भैरहेको सिनेमाका द्वन्द्व निर्देशक चन्द्र पन्त हुन् । सिनेमामा नरेन्द्र महर्जनसँगै धुर्ब न्यौपाने, दीपक ढकाल शर्माकाे लगानी रहेको छ । एप्पल इन्टरटेन्मेन्ट, एफडी कम्पनी र रिच इन्टरटेन्मेन्टले सिनेमा नेपाल वितरणको जिम्मेवारी लिएका छन् ।
चैत २९ गते नै सौरभ चौधरीको ‘कर्मा’ र कृषा चौलागाइँको ‘पिताम्बर’ पनि रिलिज हुँदैछन् ।