चलचित्र ‘ऊनको स्वीटरुको नयाँ गीत ‘मखमली’ सार्वजनिक
काठमाडौं । चलचित्र ‘ऊनको स्वीटर’को नयाँ गीत ‘मखमली’ सार्वजनिक गरिएको छ । बिहीबार सार्वजनिक गीतले यस चलचित्रका अभिनेता विपीन कार्की र अभिनेत्री मिरुना मगरबीचको अव्यक्त प्रेमलाई व्यक्त गरेको छ ।
यो चलचित्रको छायांकन पाँचथर र नेपाल भारत सिमाना फालेलुङमा गरिएको छ ।
गीतमा सुजन चापागाईं र सुनिता थेगिमको स्वर रहेको छ । हर्क साउदको शब्द रचना र गायक चापागाईंकै संगीत रहेको छ ।
संगीत निर्माता कोविद बज्र हुन् । दीप गुरुङले कोरियोग्राफी गरेको यस गीतको भिडियोमा अभिनेता विल्सन बिक्रम राईलाई रोचक भूमिकामा राखिएको छ ।
२०८२ सालको वैशाख २६ गते रिलिज हुने यस चलचित्रमा विपीन कार्की, मिरुना मगर, सुनील पोखरेल, माओत्से गुरुङ, विल्सन विक्रम राई, प्रेम सुब्बा, एलेक्स पारस, परीक्षा लिम्बु, सुरज तमू, शारदा देवी सिलवाल, भावना खपाङ्गी मगरलगायतको अभिनय रहेको छ ।
नवीन चौहानले निर्देशन गरेको चलचित्र ‘उनको स्वीटर’ आर्टमाण्डूले निर्माण गरेको पहिलो फिचर चलचित्र हो ।